Zgjedhjet te Barça, Laporta preferon Artetën
Pas një jave në klubin e Barcelonës do të ketë zgjedhje presidenciale dhe në këtë prizëm edhe e ardhmja e Ronald Koeman në stolin e Barcelonës është gjithnjë në pikëpyetje. Sezoni deri më tani me luhatje dhe holandezi lëkundet jo pak.
Sipas raporteve nga radioja katalanase RAC1, një nga emrat në krye të listës së kandidatit për president Joan Laporta është Mikel Arteta.
Trajneri aktual i Arsenalit, duket se nuk po shkëlqen në krye të topçinjëve por Laporta e ka fiksim pasi Arteta mbetet nxënësi më i mirë i Guardiolës të cilin ish-presidenti e adhuron.
