Josa: Të evitojmë luhatjet, përmirësimi detyrë
Vendi i pestë Kukësi do të sfidojë nesër në ‘Niko Dovana’ vendasit e Edi Martinit që edhe ketë javë duket se klubi i ka komunikuar heshtje shtypi.
Mirel Josa pas katër javëve kampionat në krye të verilindorëve, do të tentojë atë që në gjuhen e futbollit njihet si ‘mundësia e fundit‘. Për tu bashkuar me skuadrat që tentojnë kreun.
Në konferencën për shtyp, trajneri i verilindorëve i bëri një skaner të shpejtë skuadrës së tij por dhe kundërshtarit.
Josa:
Ndeshja me Teutën
“Është një ndeshje shumë e vështirë. Nuk më diferenca në këtë periudhë, ashtu si më përpara. Nuk ka siguri, duhet shumë seriozitet dhe duhet të përmirësohemi. Skuadra e Teutës është e ekuilibruar, qoftë ndeshjet jashtë dhe ato brenda ka luajtur dhe ka marrë maksimumin. Ka lojtarë me eksperiencë dhe nuk ka pasur shumë lëvizje në merkato.
Drejtuesit kanë menduar ta konsolidojnë. Vijmë pas një ndeshje me Partizanin, të cilën në disa fragmente e luajtëm mirë. Kishte edhe momente, që na ndëshkuam dhe nuk e përballuam dot Partizanin. Mendimi im është mos e shohim atë ndeshje, por anën psikologjike sepse këtu çedojmë pak”.
Nuk duhet të kërkojmë rrugën e mesme sepse kjo varet nga niveli i skuadrave të tjera. Duhet të kërkojmë vetëm të përmirësohemi ndeshje pas ndeshje, është një grup që kërkon të përmirësohet. Kemi treguar se pas një ndeshje të mirë, kemi luajtur dobët dhe më pas jemi përmirësuar.
Ne do mundohemi të ngremë nivelin e skuadrës sa më lart taktikisht dhe teknikisht. Pjesa fizike është kjo që është dhe nuk kemi ç’përmirësojmë. Më intereson shumë që gabimet e një ndeshje të mos i përsërisim në ndeshjen tjetër ose të bëjmë më pak”.
