Partizani nis me afrimet
Stenio Markos da Fonseka Salazar Zhunior, afrimi i parë te Partizani.
Partizani nis gjuetinë për futbollistë në merkaton e janarit. Tashmë që CAS-i i dha të drejtë, të kuqtë kanë dorë të lirë për të konturuar grupin aktual me afrime të tjera.
Stenio Zhunior, pjesë e Pelisterit dhe Shkëndijës së Tetovës në të shkuarën firmos për Partizanin. Braziliani u aktivizua për 5 vite me tetovarët duke u larguar në janar të vitit 2019 drejt futbollit letonez, ku luajti me kampionët e Rigas.
Me largimin nga Riga, Zhunior ishte futbollist i lirë. 29 vjeçari pritet ti bashkohet 16 herë kampionëve të Shqipërisë më një kontratë 2 vjeçare dhe me gjasë do marrë 5 mijë euro në muaj.
Ndërkaq, braziliani përpos njohjeve te Shkëndija, te Riga në Letoni, ishte shok skuadre me mbrojtësin shqiptar Herdi Prenga.