Dinamo mund Korabin, udhëheq e shkëputur Grupin A
Dinamo i jep ngjyra ‘blu’ Grupit A të Kategorisë së Parë. Në duelin vendimtar të luajtur sot në Pezë-Helmës, skuadra e Fabricio Kamaratës, i dha një dush të ftohtë Korabit ndjekës teksa me një penallti të kthyer në gol nga Da Silva ka marrë tri pikë të arta.
Blutë u panë më kërkues por në episode të caktuara, dibranët të rrezkshëm me Skukën e Mziun. Në start të fraksionit të dytë, gjyqtari Llapra pa një penallti për Dinamon. Da Silva e shndërroi në gol.
Në minutat e fundit, ekipi i Klevis Dalipit ju afrua ndjeshëm barazimit por pa mundur dot të prishë festën e 18 herë kampionëve të vendit.
Ndërkaq në dy takimet e tjera të Grupit A, Oriku-Burreli dhe Veleçiku- Besëlidhja u ndalen te barazimet 1-1.
Rezultate sot, Grupi A
Dinamo-Korabi 1-0
Oriku-Burreli 1-1
Veleçiku- Besëlidhja 1-1