Mesi, Ronaldo, Levandovski, vjen çmimi
Në Zyrih pas pak Çmimi ‘The Best FIFA Men’s Player 2020’
Pas pak FIFA do të shpallë më të mirët e futbollit për vitin 2020. Pa prezencë spektatorësh eventi do të startojë në 19:00. Ndonëse ka qënë një vit shumë i vështirë për çdo sport dhe veçanërisht për futbollin për shkak të pandemisë COVID 19, institucioni më i lartë i futbollit në Botë do të kurorëzojë fituesit e çmimeve individuale.
‘Lojtari më i Mirë i Vitit’, pritet të dalë nga treshja tashmë e fiksuar mes kandidatëve: Ronaldo, Mesi dhe Levandovski. Polaku pritet të jetë një hap para këtë sezon duke qënë se i ka fituar gjithë trofetë me Bajernin e Mynihut dhe ka shënuar një ‘thes’ me gola.
Në mungesë të Çmimit nga “France Football” teksa e anuloi me kohë shkak pandemia globale, çmimi i sotëm do të konsiderohet si verdikti i drejtë pse jo dhe sinjifikativ i atij që do fitojë.
FIFA ka bërë me dije se proçedura e votimit nuk ka ndryshuar. Për të shpallur më të mirët kanë dhënë votat e tyre trajnerët dhe kapitenët e gjithë skuadrave përfaqësuese.