Duro, mjeshtëri mbërrin në Laç
● Në të shkuarën, tifozët bardhezinj, shpalosën pankarta me dedikime Duros në shkallë. Sot iu plotësohet dëshira: Shpëtim Duro timonier i Laçit.
Shpëtim Duro është trajneri i ri Laçit. Pas disa orvajtjeve për të marrë Peter Pakult, bisedave me Shkëmbin dhe vetë Shpëtim Duron, Laçi vendos.
Është tiranasi 60 vjeçar një ndër teknikët më të mirë të 2 dekadave të fundit në Shqipëri dhe jashtë saj…
Tekniku i shkollës së Partizanit, edicionin e kaluar ishte në krye të Kukësit por pa u ngrohur mirë ‘vezët’ e larguan. Më herët i dha shkëlqim Shkëndijës së Tetovës duke e kthyer klubin tetovar një një superfuqi të futbollit maqedonas.
Pa folur këtu për punën e suksesëshme te Partizani, Skëndërbeu (kampion), Flamurtari, Drita, Besa Kavajë, Vllaznia.
Shpëtim Duro në daljet publike si teknik apo specialist futbolli, nuk e ka lakmuar ‘kurrë’ Laçin’ por nga ana tjetër gjithnjë i ka dhënë hakun bardhezinjëve për atë që skuadra ka shprehur në fushë.
Në memorjen e tifozerisë kurbinase do të mbetën dhe disa pankarta që mbështetës të Shpëtim Duros i publikuan vite më parë në zonën ‘ultras’ të stadiumit ‘Laçi’ duke i kërkuar që asokohe ‘shpëtimit’ të merrte timonin bardhezi.
