Turqit braktisin ndeshjen me PSG për racizëm
E pazakontë. Ndeshja në mes të Europës, Paris, ndërmjet PSG dhe Bashakshehir në Grupin H të Ligës së Kampioneve, degjeneron për racizëm. Kur luhej e 20-ta, futbollistët turq janë larguar nga fusha e lojës në shenjë proteste ndaj gjyqtarit të katërt me motivacion racizmin.
Mediat ndërkombëtare raportojnë se gjyqtari rumun Hategan ndëshkoi me të kuq pjesëtarin e stafit të Bashakshehir Pierr Uebo, i cili iu vërsul gjyqtarit të katërt, Çoltesku, duke akuzuar se kishte përdorur shprehje raciste kundër tij. Aludohet për diskutimin mes gjyqtarëve në kufje në këtë mënyrë: ‘I ziu atje. Shko kontrollo kush është. I ziu, nuk mund ta bësh atë…”
Menjëherë ka ndërhyrë UEFA, përmes komisarëve të saj për të vendosur rregull e kthyer Bashaksehir në fushën e lojes. Turqit refuzuan të kthehën në fushë.
