De Biazi: Konte ka dështuar te Interi

Ish- trajneri kuqezi Xhani De Biazi aktualisht trajner i Azerbajxhanit, gjatë intervistës së gjatë të djeshme për ‘TMW Radio’, u përqendrua në momentin negativ të Interit dhe dështimin e Eriksen në aventurën me zikaltërit.

Tekniku që dërgoi Shqipërinë në fazë finale të një europiani (2016), u shfaq mjaft kritik ndaj homologut të tij te zikaltërit Antonio Konte duke i faturuar atij dështimin me Eriksenin dhe eleminimin thuajse përfundimtar nga grupet e Championsit.

Pyetjes se si ndihet danezi këtë periudhë te Interi, De Biazi iu përgjigj:

“Si qen. Nuk konsiderohet, dhe për këtë arsye nuk mund të japë më të mirën. Interi po bën më keq sesa mund të prisnim, dhe më vjen keq sepse e respektoj shumë Konte-n. Mendoja se ai mund ta çonte Interin në një nivel tjetër.

Raundi i Ligës së Kampionëve është një humbje për futbollin tonë. Gjithsesi mund ti ndodhë kujtëdo, sepse futbolli nuk është matematikë “.