Uzuni në versionin Ronaldo, beratasi magjistari i ri…
Një gol i jashtëzakonshëm i Uzunit vendos në vështirësi gjigandët e Juves të cilët barazojnë me Ronaldon dhe fitojnë në shtesë me Moratën.
Çelsi dhe Sevilja pas fitoreve të sotme ndaj Rëne dhe Krasnodar ndërsa fituan me të njëjtin rezultat 1-2, sigurojnë matematikisht kalimin të fazën e 1/8 të Ligës së kampionëve.
Në grupin B aty ku Barcelona fitoi në Kiev pa Mesin, ka marrë edhe kualifikimin zyrtar për në 1/8. Sikundër edhe Juventus teksa në mënyrë surprizë gati sa nuk u ndal prej Ferencvarosh të një Myrto Uzuni magjistar e goelador. Goli i fitores bardhezi nga Alvaro Morata në të 92-ën, i prish festën beratasit.
Finale dramatike edhe te PSG -Lajpcig. Francezët domosdoshmërisht luajtën dhe morën tri pikë për të synuar daljen nga Grupi H. Fiton edhe Lacio e Mançester Junajtid.
Shifrat sot Champions League:
Rëne-Çelsi 1-2
Krasnodar-Sevilja 1-2
Dortmund-Klub Bryzh 3-0
Dinamo Kiev-Barcelona 0-4
Juventus-Ferencvarosh 2-1
Lacio-Zenit 3-1
Mançester Junajtid-Bashaksehir 4-1
PSG-Lajpcig 1-0
