Rashica nuk vjen në ‘Elbasan Arena’
Autoritetet e Verderit thanë se lojtarët e kanë të ndaluar të largohen.
Milot Rashica u ftua nga trajneri i Kosovës Bernard Shaland për ndeshjen miqësore kundër Shqipërisë më 11 nëntor në ‘Elbasan Arena’ si dhe për dy ndeshjet e fundit në grup në Nations kundër Sllovenisë dhe Moldavisë.
Megjithatë duket se Rashica nuk do asistojë as në vëllazëroren e Elbasanit e as në zyrtaret e Dardanëve.
Sipas masave për mbrojtje ndaj virusit COVID-19 në Bremen, një futbollist që kthehet në qytet nga jashtë shtetit duhet të futet në karantinë pesëditore, pavarësisht rezultatit të testit pozitiv apo negativ.
“Asnjë lojtar nuk do të paraqitet për shtetin e vet përkatës. Vendimi është marrë për shkak të rregullores nga autoriteti shëndetësor në Bremen, e cila thekson se lojtarët që kthehen nga vendet me rrezikshmëri të lartë të virusit duhet të futen në karantinë për pesë ditë”, thuhet në njoftimin e Bremenit.