Barcelona- Real sot klasikja e ‘varfër’
Në 16:00 në ‘Camp Nou’, Barcelona- Real Madrid.
Bota sportive do të duhet të shikojë ndeshjen më të madhe në planet nga televizioni.
Ne nuk e dimë nëse po përballemi me një lojë të re të shekullit, por ajo që është e sigurt është se sot në 16:00 në ‘Camp Nou’ kemi të bëjmë me klasiken më të veçantë dhe më të rrallë në historinë e futbollit europian apo botëror.
Barcelona – Real Madrid ndërsa do të luhet pa tifozë në tribuna, mund të ofrojë gjithçka. Koronavirus, vazhdon të bëjë ligjin duke lënë pamëshirshmërisht jashtë stadiumeve një hobi të madh të njerëzimit, ndjekjen e futbollin. Bota sportive do të duhet të shikojë ndeshjen më të madhe në planet nga televizioni. Sidoqoftë, ngazëllimi dhe pritja do të jenë të njëjtat.
Barcelona dhe Real Madrid vijnë në këtë takim në një gjendje alarmi. Katalanasit kanë ardhur nga fitimi i debutimit të tyre në Ligën e Kampionëve, por ata nuk mund të harrojnë se në ditën e fundit të Ligës humbën ndaj Getafe në madrid 1-0.
Ndërkohë, të bardhët e Zidan akoma më keq. Humbën me Kadiz dhe Shakhtar në stadiumin ‘Alfredo di Stefano’ duke i lënë në mërzi të skajshme njerëzit e admirues të skuadrës mbretërore. Ndeshja për vetë Zinedin Zidanin mund të ofrojë ‘hyrjen’ te dera e madhe ose atë të ‘infiermerisë’.
