Tirana barazon në shtëpi me krutanët
![](https://sportiim.al/wp-content/uploads/2020/10/tirana-2-1024x683.jpg)
Miqësore në ‘Selman Stërmasi’ : Tirana- Kastrioti 1-1
Në ‘Selman Stërmasi’, Tirana dhe Kastrioti sot në ‘gjenerale’. Dukej kështu pasi si bardheblutë ashtu dhe miqtë nga Kruja, u përpoqën të jepnin maksimumin në këtë miqësore.
Tirana krijoji më shumë volum loje dhe në fund të pjesës së parë i shkoi afër golit me Sasrakun por sulmuesi gaboi nga afër duke e kaluar topin shumë larg kuadratit.
Në pjesën e dytë edhe në kushtet e zëvendësimëve të shumta, Kastrioti i Ndreut, kalon përpara në të 54-tën me Patrik Bardhin. Fill pas avantazhit, shfaqet sërish ekipi i Ndreut i cili me De Silvën i pati mundësitë për të dyfishuar.
Me kalimin e minutava, Tirana merr totalisht frenat e lojës dhe në të 74′-ën barazoi me Ernest Muçin pas një goditje të beftë brenda zonës duke e lënë statik portierin Isli Hidi.