MPB e Maqedonisë së Veriut, apel: Qëndroni larg ndeshjes…
MPB: Çdo gjuhë e urrejtjes apo shkelje të tjera do të sanksionohen ashpër.
Ndeshja vendimtare Maqedoni e Veriut- Kosovë afron (20:45) ndërsa qyteti i Shkupit paralajmërohet nga Ministria e Punëve të Brendshme.
Sipas ‘Zhurnal’, në prag të ndeshjes mes kombëtareve të Maqedonisë së Veriut dhe Republikës së Kosovës që luhet sonte në ora 20:45, MPB ka bërë thirrje që qytetarët të mos mblidhen për të ndjekur ndeshjen nëpër kafene.
Nga MPB bëjnë të ditur se janë ndërmarë të gjitha masat për garantimin e sigurisë të futbollistëve dhe pjesmarrësve në Shkup, gjatë ndeshjes dhe pas përfundimit të saj.
“Në bashkëpunim me autoritetet shëndetësore janë ndërmarë të gjitha masat e nevojshme për respektimin e protokolleve për mbrojtje nga Covid-19”, thonë nga MPB.
Gjithashtu MPB apelon deri tek të gjitha grupet e tifozëve që të mos shkelin rendin publik, sepse në të kundërtën, çdo gjuhë e urrejtjes apo shkelje të tjera do të sanksionohen ashpër.
