Goditja e madhe e Laçit, vjen Emiljano Musta
Kurbinasit kryejnë goditje cilësore në merakton që mbyllet në 2 tetor.
Goditja tjetër e madhe e ditës në merkato vjen te Laçi. Emiljano Musta i bashkohet bardhezinjëve për edicionin e ri futbollistik 2020/21. Një lëvizje e mirëmenduar e Laskës që me gjasë i ka vënë në dispozicion stafit teknik, grupin për të synuar titullin kampion.
Kukësi e njoftoi paradite largimin e 28 vjeçarit shtatlartë por ‘kazani’ ka valuar që mbrëmë kur palët kishin mbyllur.
Kërkesa e kurbinasëve për një lojtarë në atë pozicion ka qenë e hershme dhe një futbollist me aq cilësi si Musta, nuk mund të evitohej nga Laçi që insiston të qëndrojë në pararojë të elitës së futbollit Shqiptar.,
Ishte drejtori sportiv i bardhezinjëve Naim Halili ai që konfirmoi lajmin për ‘Spoti im’ “Po kemi gjetun akordin me Mustën. Ishte një operacion blic dhe lojtari në vijim është yni”- tha shkurt Halili.