Shorti i pamëshirshëm, luajmë në shtëpi…
Shqiptarët tani i njohin kundërshtarët e tyre për, turin e dytë të Europa League. Në mesditën e sotme, në Nion të Zvicrës, “qeveria” e futbollit europian, UEFA, i përziu goglat…
Shorti ishte i pamëshirshëm për skuadrat shqiptare, edhe pse dihej, se rivalët në vazhdimin e garët do të ishin më të vështirë e të fortë.
Goglat përcaktuan që nënkampionët e Kukësit të përballen me Volsburgun e Bundesligës, ndërsa fituesit e Kupës së Shqipërisë, Teuta do të presi spanjolët e Granadës të LaLigas.
Sakaq, për skuadrën kurbinase të Laçit, shorti ka rezervuar skuadrën izraelite të Hapoel Ber Shevës, me të cilët u përballën me mjaft dinjitet sezonin e shkuar.
Skuadrat shqiptare në turin e dytë të Europa League do të jenë pritëse, natyrisht në takime teke me eliminim dhe me dyer të mbyllura. Ato, sipas planifikimit të UEFA-s, do të zhvillohen më 17 shtator.
Ndërkohë, shorti për Tiranën ka qenë me fat. E ardhur nga Champions League, ajo është një prej dy skuadrave, që do të luajnë direkt në turin e tretë të Europa League.
