Portieri Miraka “shpërngulet” drejt Burrelit…
Portieri Festim Miraka, është bërë pjesë e skuadrës së Burrelit, që konkurron në kampionatin e Kategorisë së Parë. Zyrtarët e klubit matjan, e kanë prezantuar 32-vjeçarin, si lojtarin më të ri të skuadrës së tyre.
“Gardiani” Miraka, sezonin e shkuar ishte pjesë e skuadrën ballshiote të Bylisit, ku nuk pati hapësira për t’u aktivizuar. Më herët ai ka qenë pjesë e skuadrës së Kamzës, si dhe gjirokastritëve të Luftëtarit në Superiore.
Drejtuesit e skuadrës së Burrelit, pasi kanë përforcuar mesfushën me kurbinasin Alfred Zefi, gjejnë edhe Festim Mirakën për të ruajtur katërkëndorin e skuadrës matjane.