Shtohen “kuqeblutë” në radhët e Vllaznisë…
Janë shtuar radhët e futbollistëve në skuadrën e Vllaznisë. Me kuqeblutë shkodranë është bashkuar portieri Bojan Zogoviç, mbrojtësi Enes Isufi, që rikthehet në qytetin e tij të lindjes, ndërkohë që kanë rinovuar edhe dy lojtarë të rëndësishëm si, Behar Ramadani e Florind Bardulla.
“Katër futbollistë i janë shtuar sot zyrtarisht ekipit të Vllaznisë. Drejtuesit e klubit kanë firmosur kontratat me portierin Bojan Zogoviç dhe mbrojtësin Enes Isufi ndërkohë që kanë rinovuar kontratat me futbollistët Behar Ramadani e Florind Bardulla.
Të katër këta futbollistë janë vënë menjëherë në dispozicion të stafit teknik dhe kësisoj puna për ndërtimin e skuadrës për sezonin e ri vazhdon,”- thuhet në njoftimin e klubit Vllaznia në faqen e saj zyrtare në “Facebook” .
