Bruno Dita, tashmë tetovar i Shkëndijës…
Kryeqytetasi Bruno Dita është futbollisti më i ri Shkëndijës së Tetovës. Lajmin e ka zyrtarizuar vetë klubi tetovar nëpërmjet publikimeve në faqet e saj sociale.
Edhe pse përflitej më herët, pas ndeshjes ndaj Partizanit, futbollisti “xhol” i trajnerit Daja, i dha një lamtumirë prekëse tifozëve korçarë, si dhe shokëve të tij të Skënderbeut, duke mos e fshehur destinacionin e tij të ri drejt Maqedonisë së Veriut.
Ndonëse skuadra e Shkëndijës së Tetovës ka nisur prej disa kohësh përgatitjet e saj për Europa League, mesfushori polivalent Bruno Dita është vënë në dispoziocion të trajnerit Gjoka dhe po njihet me shokët e rinj të ekipit të tij.