Shtohen dhe 3 GP në botërorin e Formula 1
Pandemia e koronavirusit e ka penguar sezonin e garave me makina, por nuk ia ka arritur ta frenojë plotësisht. Madje, me kalimin e kohës, cirkuitët e munguar po plotësohen. Kësisoj kalendari i garave Grand Prix në botërorin e Formula 1 është duke u shtuar.
Grand Prix i Gjermanisë, që do të zhvillohet më 9-11 tetor në pistën Nurburgringut; Grand Prix i Portugalisë, që është planifikuar për më 23-25 tetor në pistën e Portimaos, si dhe Grand Prix i Italisë, që mendohet për më 31 tetor deri më 1 nentor, në pistën emiliane të Imolas, do të jetë tri garat e fundit, që i janë shtuar botërorit 2020 në Formula 1, duke e çuar numrin e tyre deri tani në 13.