Formulë delikate, Turbina do fitoren në derbi…
Vëmendje maksimale te dueli i derbit të qarkut të Elbasanit, mes Turbinës së Cërrikut dhe Elbasanit.
Dje Kategoria e Parë, mbylli shumicën e ndeshjeve të javës, por sot në Grupin B, faza “play-out”, në program disa takime me vlerë sezonale.
Natyrisht vemendje maksimale te dueli i derbit të qarkut të Elbasanit, mes Turbinës së Cerrikut dhe Elbasanit. Në ‘Nexhip Trungu’ vendasit e Gjonit e kanë thuajse detyrim fitoren. Në kahun tjetër, edhe Elbasani i Lleshanakut kërkon vijimësinë pozitive, pasi më pas do të udhëtojnë drejt Shënkollit dhe mbyllin në ‘Elbasan Arena’ me Devollin.
Këta të fundit janë futur së fundi në vorbullen e rrëzimit. Do të jenë mysafirë në Fushë-Krujë, aty ku Iliria vendase e teknikut Fatmir Sala, pritet të kërkojë me ngulm tri pikët sezonale…
Sakaq, Shënkolli-Oriku luhet për statistikë. Vendasit i kanë dhënë lamtumirën Kategorisë së Parë. Të tri përballjet nisin nga ora 17:30.
