Blindohet derbi, masa të rrepta organizative

Masa të shtuara nga Policia e Tiranës për mbarëvajtjen e rendit dhe sigurisë gjatë takimit Partizani-Tirana që do zhvillohet sot në orën 20:45 në ‘Air Albania Stadium’.

Drjetoria Vendore e Policisë Tiranë, permes një njoftimi zyrtar, bën me dije se masat organizative do të diktojnë edhe te perimetri i zgjeruar rreth impiantit modern në kryeqytet.

NJOFTIMI
Nga Drejtoria Vendore e Policisë Tiranë janë marrë një sërë masash teknike dhe organizative në një zonë më të gjerë se perimetri i stadiumit, me qëllim sigurimin e rendit dhe të sigurisë publike para, gjatë dhe pas zhvillimit të ndeshjes së futbollit, duke synuar jo vetëm mbarëvajtjen e aktivitetit sportiv, por dhe moslejimin e grumbullimit të tifozëve, si masë parandaluese për përhapjen e infeksionit COVID -19.

Në kuadër të këtyre masave të parashikuara, informojmë qytetarët e Tiranës se Policia do të monitorojë dhe do të mbajë nën kontroll protokollin e sigurisë anticovid në lokalet dhe ambientet ku do ketë prani të tifozëve që do të ndjekin ndeshjen.

Policia e Tiranës apelon edhe njëherë për respektim me rigorozitet të protokolleve të sigurisë, me qëllim parandalimin e përhapjes së COVID-19.