Vllaznia, arrihet akordi me Xhaferin…
Më në fund vjen lajmi i madh për Vllazninë e Shkodrës. Përmes një njoftimi në faqen zyrtare të klubit në rrjetet sociale është lajmëruar se është arritur marrëveshja për sponsorizim, partneritet dhe bashkëpunim ndërmjet Klubit (admistrator Suad Lici) dhe Bashkisë Shkodër (Voltana Ademi) me Shoqërinë ”ALBAPHOTO”, DISTRIBUTOR I AUTORIZUAR I ”FUJIFILM” (me administrator Alban Xhaferrin), dhe SHOQATA E BASKETBOLLIT ”VLLAZNIA, (president Alban Xhaferri).
Klubi i Futbollit “Vllaznia” njofton të gjithë dashamirët e futbollit për nënshkrimin e marrëveshjes për sponsorìzimin, partnerìtetin dhe bashkëpunimin ndërmjet Klubit dhe Bashkisë Shkodër nga njëra anë, me Shoqerinë ”ALBAPHOTO” shpk – DISTRIBUTOR I AUTORIZUAR I ”FUJIFILM” dhe SHOQATA E BASKETBOLLIT ”VLLAZNIA”.
Kjo marrëveshje ka objekt të saj:
a) Bashkëpunimi për konsolidimin e rezultateve të ekipit të parë dhe ekipeve të moshave të Akademisë “Vllaznia”, rikthimin e qëndrueshëm të Klubit të Futbollit “Vllaznia” sh.a në pozicion dinjitoz në renditjen e kampionantit kombëtar të futbollit të Superligës shqiptare dhe mundësinë për pjesëmarrje në aktivitete dhe kompeticione ndërkombëtare.
b) Partneritetin, midis paleve për të dhënë mbështetje teknike dhe financìare Klubit të Futbollit “Vllaznia” sh.a., në bashkëpunim dhe harmonizim me angazhimet dhe kontributet teknike dhe financiare të vetë Bashkisë Shkodër si aksìoneri i vetëm, por edhe të strukturave drejtuese, të personelit, lojtarëve dhe çdo aktori tjetër institucional, publik, privat dhe që ka interes.
Me nënshkrimin e kësaj marrëveshje bashkëpunimi nis menjēherë, në mbështetje të ekipit të parë “Vllaznia” dhe ekipeve të moshave të Akademisë “Vllaznia” për arritjen e rezultateve sa me te larta.
