Dinamo kërkon suksesin e radhës…
Zona play-out e Grupit A. Dinamo me shtëpi të re, ka optimizëm…
Është momenti Dinamo. Blutë në përpjekje për tu larguar përfundimisht nga rreziku i zonës së ftohtë, fituan takimin e kaluar me Egnatian (1-0) ndërsa këtë të shtunë do të udhëtojnë drejt ‘Liri Ballabanit’ në Burrel.
Prej ditësh, dinamovitët e teknikut Kamarata, kanë vijuar përgatitjet për ndeshjen e fundjavës, duke u stërvitur në terrenin e ri të klubit në Arbanë.
Duke parë rëndësinë e ndeshjes, ekipi e ka spostuar stërvitjen në orarin e ndeshjes (17:30) në qendrën e saj stërvitore në Arbanë, për t’u përshtatur edhe me terrenin e fushës, i cili është me bar natyral.
Nuk do të jenë të gatshëm Niko Paterni dhe fantazisti Plarent Fejzaj pasi kanë plotësuar numrin 4 të kartonave të verdhë. Në transfertën matjane, Dinamo shkon me moral të lartë. E ndaluar humbja. Dinamo e di mirë këtë fakt…
