Romero në telashe, në dyert e policisë…
![](https://sportiim.al/wp-content/uploads/2020/05/romero.png)
Karantinimi 2-mujor brenda mureve të shtëpisë, për shkak të pandemisë me Covid-19, përveç mërzitisë, ka krijuar edhe një lloj stresi psikologjik ndërmjet çifteve, që si pasojë ka prodhuar në ndonjë rast edhe dhunë brenda familjes.
I tillë ka qenë edhe rasti i mesfushorit të skuadrës së Partizanit, venezuelianit Aristoteles Romero dhe të dashurës së tij Raulimar Diaz. Konflikti midis tyre ka degjeneruar dhe çifti ka përfunduar në dyert e policisë.
Bashkëjetuesja e lojtarit të Partizanit e ka kallzuar 24-vjeçarin për dhunë, çka me shumë gjasa është fundi i lidhjes së tyre, raporton “Panorama Sport”. Policia ka vendosur një urdhër 10-ditor mbrojtjeje për Raulimar Diazin, që është e diplomuar në mjekësi, për t’i dhënë kohën e mjaftueshme vajzës për t’u larguar nga Shqipëria.
Venezueliani Romero, iu bashkua skuadrës së Partizanit gjatë merkatos së verës nga futbolli italian. I ardhur me shumë bujë dhe me mjaft pretendime nga skuadra e Krotones, ai në fushën e blertë të futbollit shqiptar nuk ka lënë gjurmë. Gjithsesi, ai do të kujtohet për këtë “bëmë” të tij gjatë kohës së koronavirusit…