Gara të garantuara, Silverstone prin pilotimin
Prej javësh Formula 1 është vënë në dyshim për të zhvilluar garat zyrtare. Për më tepër, 10 garat e para ose janë anuluar, ose janë shtyrë.
Por ‘nderin’ e këtij sporti masiv të FIA-s aktualisht po e mbajnë fort dy vende orgnaizatore siç janë Anglia e Hungaria.
Sipas asaj që raportojnë mediat përtej adriatikut, Çmimi i Madh në Silverstone (Angli) dhe Hungaroring (Hungari) në Formula 1 do të zhvillohen. Natyrisht pa tifozë për shkak të Koronavirusit global.
Organizatorët e këtyre dy garave kanë vendosur e përcaktuar edhe datat. Gara e Anglisë do të zhvillohet më 19 korrik, ndërsa ajo e Hungarisë më 2 gusht.
“Nuk ka qenë një vendim i lehtë, por duke parë situatën, kemi vendosur ta zhvillojmë garën në kushtet maksimale të sigurisë së njerzëve”, – tha drejtori i pistës Silverstone, Stuart Pringle.
Sakaq, gara e Anglisë pritet të zhvillohet pas asaj austriake së Spielberg, më 5 dhe 12 korrik. Gjithnjë nëse konfirmohet. Aty ku Ros Braun e quan pisten e Red Bull si zgjidhja më e mirë në kohën e koronavirusit.