Fiorentina me 10 të infektuar me COVID-19
Presidenti i Fiorentinës Komiso: “Janë 8-10 të infektuar, faleminderit Riberi…“
Presidenti i Fiorentina, Roko Komiso, flet për ‘Sky Sport’ nga Shtetet e Bashkuara për situatën e koronavirusit dhe aktivitetin e mbledhjes së fondeve:
“Kjo nismë lindi sepse pashë se si po keqësohej situata në Itali dhe në Firence. Ne kemi tre nga stafi ynë në spital, plus të tjerët që kanë virusin pa u shtruar në spital për një total prej 8-10 të infektuarve në të gjithë ‘rozën’ violë.
Kemi një situatë serioze me këtë sëmundje dhe është e drejtë të ndihmojmë ata që janë në ballë të kësaj luftë. Ishte detyra jonë ti ndihmonim ata. Kemi arritur tashmë mbi 400 mijë euro dhe unë jam shumë i lumtur. Ndihma amerikane për Italinë?
Të dyja sipërmarrjet e mia por dhe të tjerët do të ndihmojnë Firencen dhe spitalin e saj. Dua të falënderoj Riberinë për ndihmat e tij. Ai vjen nga Franca dhe ne të dy gjetëm shtëpinë tonë në Firence.
Ata na mirëpritën dhe ne duhet të përpiqemi të përgjigjemi me këtë dashuri. Situata në Shtetet e Bashkuara? Situata nuk është serioze.”-tha ndër të tjera presidenti i Fiorentinës.
