Podolski ndjek David Vijen, largohet nga Visel Kobe…
Lukas Podolski i jep fund aventurës në Japoni. Gjermani 34 vjeçar që prej 2017-tës te Visel Kobe, 2 javë më parë fitoi Kupën e Japonisë. Skuadra e drejtuar nga gjermani Torsten Fink, mundi në finale Kashima Antlers në shifrat 2-0.
Magjitë e Iniestës, D. Vijës dhe L. Podolskit, shoqëruan takimin ndërsa pak pas triumfit, David Vija raportoi divorcin duke deklaruar se i thotë lamtumirë futbollit të luajtur.
I dyti është Podolski. Edhe pse ish-futbollisti i Bajernit, Arsenalit, Interit, Këlnit dhe Gallatasarajit, mund të mbetet aktiv në fushë, me japonezët e Kobe e mbylli.
Raportohet se palët patën tratativa të gjata për rinovim por në fund, të dy palët shtrënguan duart me një ‘faleminderit’.
