Reja zbret nga ‘autobuzi’
Edi Reja fitoi përkohësisht zemrën e tifozerisë kuqezi dhe të vetë Armand Dukes por takimet e fundit me Andorrën dhe Francën, e kanë lekundur besimin te 74 vjeçari italian.
Me kontratë të përfunduar, dhe vendin e 4 në mbyllje të kualifikuesëve, Reja ka thënë se i pëlqen të jetë sërish në timon. Nga ana tjetër presidenti Duka ka nisur të mendojë ndryshe.
Madje duke hedhur mbi tavolinë kartën se : ‘ka ardhur koha për një trajner shqiptar’.
Bindja se Reja mund të mos rinovojë vjen nga prestigjiozja “Gazzetta dello Sport”. Ajo shkruan:
‘Reja mbyll eksperiencën shqiptare. Kontrata ka mbaruar në ndeshjen e fundit kualifikuese. Trajneri do të takohet me presidentin e federatës por divorci duket i paevitueshëm’ . Reja thotë…ndryshe.