Teuta merr kreun, Bylis dhe Vllaznia fitore ‘La Lige’
Java e gjashtë e Superiores prodhon shifra dhe rezultate surprizë. Bylis dhe Teuta, ndajnë kreun, shkëlqen Vllaznia.
Vllaznia-Skënderbeu 4-0, Bylis-Flamurtari 5-0, Teuta- Kukësi 1-0, Luftetari- Laçi 1-1
Në “Loro Boriçi” ka festë. Vllaznia e madhe e dikurshme, ka ‘zbritur’ në fushë. Shkodranët në sfidën me Skënderbeun, kanë shpartalluar në të gjitha drejtimet ekipin e Ilir Dajës duke i dhënë permasa të jashtëzakonshme suksesit të tyre me 4 gola.
Me dy të tillë, nga pika e bardhë e penalltisë Gilman Lika dhe më pas Zogaj e Gonçalves në minuten e 94-të, fundosin korçarët në këtë javë të 6-të.
Në ‘Niko Dovana”, Teuta dhe Shkëmbi, mundin Kukësin e shpëtim Duros falë një goli nga Sherif Kallaku me penallti.
Pjesa e parë është mbyllur me rrjeta të paprekura ndërsa në pjesën e dytë, mbrojtësi kuksian Maliqi ka lënë skuadrën e tij me 10 futbollistë.
Vetëm pak minuta më vonë, ka ardhur një penallti e fituar nga mbrojtësi Hoxha, të cilën e ka kthyer në një gol vendimtar Kallaku.
Festë në kahun e durrsakëve që së bashku me Bylis, ndajnë provizorisht kreun e renditjes së kategorisë Superiore.
Ekipi i Dovedan tani nuk habit askënd. Pasi kanë barazuar një javë më parë me Partizanin në tiranë, sot ka shpartalluar me një ‘manita’ Flamurtarin e Vlorës.
Bylis, ka luajtur gjatë gjithë sifdës në sulm dhe golat e njëpasnjëshëm me Qardakun, Goxhajn e Ntepe dy herë por dhe të Guindos, kanë stampuar në fund të tabelës vlonjatët në krizë që pas 6 javëvë kanë vetëm një pikë.
Në provën e dytë në jug të vëndit, skuadra e starovën nuk arrin të fitojë. Madje një penallti e dyshimtë në fund, ka evituar humbjen që gjithsesi nuk e lehtësoan aspak formacionin bardhezi që ecën në ‘tym’.
Në Gjirokastër janë vendasit që shënjojnë që në 10-tën me rapon teksa pas gafës të portierit Stazhilla, marrin kryesimin e ndeshjes. Përpjekjet e Laçit janë evidente por sulmi nuk arrin të kalojë gardianin bluzi.
Edhe në të dytën është Laçi që shtyn pambarimisht. Në fund, vjen një penallti të cilën e kthen në gol Nuabueze. Stafi i Luftetarit konteston madje ashpër vendimin e gjyqtarit duke nxitur instikivisht edhe tifozët që nuk ngurojnë të hedhin sende të forta në fushë.