Superkupa: Duka uron Partizanin…
Presidenti i Federatës së Futbollit Armand Duka, pasi i ka dorëzuar në ‘Elbasan Arena’ trofeun, sot i ka dërguar një Letër Urimi klubit të Partizanit.
Triumfi i të kuqëve në Superkupën e Shqipërisë, teksa mbrëmë mundi Kukësin pas 120 minutave 4-2, e ka shtyrë kreun e lartë të nisë këtë Urim.
“Të nderuar,
Më lejoni të shpreh urimet e mia më të sinqerta për suksesin e arritur nga FK Partizani, sukses i merituar në fitoren e ndeshjes për Superkupën e Shqipërisë, edicioni 2019.
Ngritja e trofeut të Superkupës në vigjilje të nisjes së kampionatit, rrit besimin dhe motivimin e të gjithë lojtarëve, stafit por edhe të tifozerisë suaj për një sezon cilësor e të suksesshëm.
Në emër edhe të Federatës Shqiptare të Futbollit, sërish i uroj suksese Partizanit më tej dhe rikonfirmoj mbështetjen tonë të plotë për fuqizimin e ekipeve tona dhe mundësimin e të gjitha hapsirave për të rritur lojën e bukur të futbollit”.-thotë Letër Urimi i kreut të FSHF-së.
