Çelsi e bën dalje, “Pipita” te Juve
Që kur la Real Madridin në 2013-tën, argjentinasi Gonzalo Higuain, nuk ka gjetur qetësi. Aventurë italiane te Napoli, Juventus e Milan.
Sidomos angazhimi i fundit te Çelsi, duket se ka lënë të pakënaqur palët, pasi nga sot, mësohet se ata janë ndarë.
Në faqen e tij zyrtare, Çelsi ka përshëndetur lojtarët që nuk do të qëndrojnë në Londër për sezonin e ardhshëm dhe në mesin e tyre, përveç Cahill, Rob Green, Eduardo dhe Kyle Scott, shihet edhe emri i Higuain.
“Ne dëshirojmë t’u urojmë atyre më të mirën në të ardhmen “, shkruan Çelsi ndër të tjera për lojtarët që nuk i ka në plan për këtë edicion të ri. Kësisoji, Higuain, rikthehet te Juve…