Guardiola: Jo të “prerë” Juves…
![](https://sportiim.al/wp-content/uploads/2019/05/C_29_video_105745_imgThumbnail.jpg)
Pas largimit zyrtar të Maksimiliano Alegrit dhe hipotezave të para lidhur me stolin bardhezi, Guardiola e mori seriozisht faktin që Juventus ka lakuar emrin e tij si pasues i toskanit. Në konferencën për shtyp para finales së FA Cup, ai ka konfirmuar se mbetet trajner i “qytetarëve”.
“Sa herë duhet t’ua them? Nuk do të shkoj te Juventus. Nuk jam i interesuar për të lëvizur në Itali. Jam i kënaqur këtu dhe nuk do të shkoj në asnjë vend. Sezonin e ardhshëm do të jem trajner i Mançester Siti-t, ua kam thënë shumë herë”, – sqaroi Pep Guardiola.