Test në Librazhd, U-18 barazon me fqinjët
Nevil Dede me U-18, barazoi sot në një test miqësor me homologët nga Maqedonia e Veriut. Ndeshja është luajtur në stadiumin “Sopoti” të qytetit të Librazhdit, ndërsa shifrat teknikë në fund, janë fiksuar 2-2.
Për formacionin testues të Dedes, shënuan Murati në fraksionin e parë dhe Sulovari. Ky i fundit, dërgoi në rrjetë një penallti. Maqedonasit në disavantazh, barazuan në minutat e fundit të krejt takimit.
Pas kësaj përballjeje, edhe pse miqësore, tekniku tiranas i kuqezinjëve të vegjël, është shprehur optimist, ndërsa ka vlerësuar lojën dhe disa nga futbollistët që pati në dispozicion. Ky takim, tërhoqi shumë tifozë nga Librazhdi dhe rrethinat.
