Venecia: Ikën Zenga, vjen Kosmi
Klubi italian i Venecias, vendosi sot të shkarkojë trajnerin Valter Zenga. Lagunarët me pretendime edicionin e kaluar për t’u ngjitur në Seria A, sivjet po dergjen në fund të renditjes provizore në “B”. Në fakt, “lajmi” nuk është Venezia dhe ecuria e saj, por emri i atij që ikën, Valtër Zenga.
Ish-interisti Zenga u bë i famshëm në kuadratin “Axur”, ndërsa me fanelën e Interit luajti për 11 edicione. Sakaq, 58-vjeçari për koincidencë, ka veshur 58 herë fanelën e të kaltërve. Përpos arritjeve si portier, italiani pas përfundimit të karrieres, u përfshi në trajning. Në kohë të ndryshme, drejtoi klube si Steaua, Dinamo Bukuresht, Zvezda, Al Ain, Katania, por pa arritur të mbrrijë te brezi i trajerëve me pjacë të lartë.
Tri humbjet e fundit në krye të Venecias, kushtuan pankinën. Gjithsesi, dhe tekniku i ri, nuk është se ka pasur shumë sukses në pankinat ku ka drejtuar.
Bëhet fjalë për Serse Kosmi. 61-vjeçari, numron një mori klubesh si trajner-menaxher, ndër më kryesoret Genoa, Udineze, Palermo, Livorno, Siena, Peskara, Trapani, Peruxha, Askoli, por pa mundur të shkëlqejë. Në shumë raste Kosmi sikurse dhe Zenga, është shkarkuar.
Klubi ka njoftuar se prezantimi i teknikut të ri, do të bëhet nesër në orën 11:00, ndërkohë që pasdite, do startojë nga puna. Për ironi të fatit, Kosmi do të debutojë në krye të Venecias, të hënen, pikërisht ndaj Palermos.