“Zizu” pranë Juves, e pret Ronaldo…

Juventus po punon nën rrogoz. Ecuri mbresëlënëse në  kampionat e  skuadrës së drejtuar nga Alegri, mund të mos i mjaftojë këtij të fundit për  të qëndruar te bardhezinjtë,  pasi humbja 0-2 në vajtje me Atletikon në  Champions, e  ka trazuar  situaten.

Në këto kushte  në kampin  e zonjës, kanë nisur  lëvizjet e  para. Sigurisht në epiqëndër, tekniku  Maksimiliano Alegri. Emrat për  “trashëgimtarin” të  dërgojn te njohjet e vjetra. Zidanë dhe Deshamps, por jo larg tyre gjëndet dhe gjermani Klop.

Gjithsesi, ai që  udhëheq listën e  Andrea  Anjelit,  lidhet me  emrin e kampionit të Europes në krye të Realit, Zinedine Zidan. Për francezin ka  pasur interesim të  vazhdueshem, por nëse Juve eliminohet  nga Atletiko, me gjasë stoli bardhezi, do t’i besohet ish-numrit “10” të “zonjës”.

Edhe për Deshamps, një ish-juventin, aktualisht në krye të kombëtares  franceze, dyert mbetën të hapura. Megjithatë  58-vjeçari kampion bote me “gjelat” në  “Rusi 2018”, ka tundimin e  Federatës  Franceze për të vijuar  gjatë në krye të Frances.

E turbullt  situata  me Jurgen Klop. Gjermani po i jep shkëlqim skuadres  së  Liverpol dhe vetë tekniku në daljet publike, ka shprehur dëshiren për  të  qenë një  “reds” i shtrirë gjatë në kohë

Analistët, ndërsa kanë komentuar emrat e mundshëm për të drejtuar Juventusin duke nisur nga vera, e kanë parë  këtë lëvizje dhe si një  presion indirekt ndaj teknikut aktual Maks’ Alegri.

Në Torino, aty ku Ronaldo u ble si ekspert i Champions,  synonin deomos fitimin e  trofeut më të  rëndësishem në kontinent.  Zgjënjimi në të vajtjes, i ka turbulluar idetë…