Shkëndija e pëson keq në Baku, nis rrugëtimi në Europa League

Pas humbjes së parë në Maqedoni me rezultatin 0-1, kuqezinjtë e Shëndijës së Tetovën humbën thellë sot me Karabak në të kthimit të turit të tretë kualifikues në Champions. Tetovarët e nisën mjaft mirë takimin në Baku, ndërsa gjetën golin me Tamba kur luhej e 10-ta minutë.

Më pas nis furia e Karabak ndërsa në pak minuta përmbys me një autogol të Cakes dhe golin e Borges. Nuk mbaron me kaq pasi po në pjesën e parë azerët shënojnë dhe dy herë të tjera për të mbyllur praktikisht kualifikimin (Akhundzade dhe Jankoviç, Andrade në pjesën e dytë gjeti dhe të 5-tin për ish ekipin e Redon Xhixhës për 5-1 final.

Kështu Shkëndija e mbyll aventurën në Champions, teksa do të zbresë menjëherë në play off-et e Europa League, aty ku do të ndeshet me skuadrën që do të eliminohet nga çifti Ferencvaros-Ludogortes. Edhe nëse dështon hapi i madh i kuqezinjëve tani është hedhur. Më e pakta ka siguruar pjesëmarrjen në grupet e Conference League.