“Do të jepja gjithçka për 1′ lojë me Xherrard”
Ashtu siç kishte premtuar, ish-kampioni i Botës dhe i Europës, sulmuesi 35-vjeçar, Fernando Torres, sot nëpërmjet një konference për shtyp, i dha lamtumirën futbollit të luajtur.
Nino, para medias ka folur për karrierën e gjatë tij sportive. Gjithsesi, ajo që bëri përshtypje në fjalët dhe mbresat e Torresit, ishte vlerësimi me superlativa i mesfushorit të “Reds”-ave, që tashmë është shndërruar në një legjendë në futbollin britanik.
“Unë gjithmonë e kam thënë, lojtari më i mirë me të cilin kam luajtur ndonjëherë është Stiven Xherrard. Ai ishte lojtari i cili plotësoi lojën time. Niveli im u ngrit në një dimension tjetër kur u transferova te Liverpulit, pasi mbrapa kisha Xherrard.
Kaluam 3 vite e gjysmë të shkëlqyera në krah të njëri-tjetrit dhe do jepja gjithçka që të rikthehesha edhe njëherë në ato kohë, sikur dhe vetëm për një minutë”, ka deklaruar sulmuesi spanjol Fernando Torres.