Teikesira, mbrojtësi portugez firmos për Dinamon

Dinamo vuajti në Conference League për mbrojtës qëndre ndërsa sot klubi ka zyrtarizuar firmën me mbrojtësin portugez Andre Teikesira. I formuar te Porto 32 vjeçari përveç disa skuadrave në Portugali, ka luajtur edhe në Izrael, Greqi dhe së fundi në Qipro.

Dinamo Siti shkruan:

Mirë se vjen Andre Teixeira!

Klubi i Dinamo City ka kënaqësinë të njoftojë zyrtarisht arritjen e marrëveshjes me mbrojtësin portugez Andre Teixeira. Lojtari 32-vjeçar ka firmosur kontratën dhe është gati për t’u vënë nën urdhrat e trajnerit Ilir Daja.

Presidenti Adrian Bardhi, i pranishëm në prezantimin e portugezit, bën goditjen e radhës, duke fuqizuar edhe mbrojtjen e skuadrës dinamovite, pas blerjeve të bëra më parë.

Andre Teixeira vjen te Dinamo City me një eksperiencë të konsiderueshme. Ai është formuar te Porto si futbollist dhe përveç disa skuadrave në Portugali, ka luajtur edhe në Izrael, Greqi dhe së fundi në Qipro.

Suksese me fanellën blu Andre Teixeira!