Ronaldo fiton çmimin ‘Lojtari më i mirë’ në Lindjen e Mesme

Kristiano Ronaldo nuk di të ndalet në gola e çmime…“Unë kurrë nuk do të jem trajner apo president i një klubi. Por ndoshta, një ditë, mund të bëhem pronar i një ekipi”, tha ai pas çmimit të sotëm.

Portugezi u votua lojtari më i mirë në Lindjen e Mesme gjatë ceremonisë së çmimeve Globe Soccer Awards. Kjo njohje njeh ndikimin e dukshëm të lojtarit luzitan (5 herë fitues i Topit të Artë) në skenën e futbollit të rajonit që nga kalimi i tij në Al-Nasr në 2023.

Gjatë ceremonisë së ndarjes së çmimeve, e cila po mbahet aktualisht në Dubai, u veçua performanca e CR7, i cila në moshën 39-vjeçare vazhdon të shkëlqejë në Lindjen e Mesme.

Ndikimi i tij tani shtrihet përtej kufijve të futbollit, duke forcuar legjendën e tij dhe duke tërhequr vëmendjen në Ligën Pro Saudite.