Rodri fiton ‘Topin e Artë’ 2024
Momenti kulmor i mbrëmjes. Në skenë ngjitet Zhorzh Ueah (Liberia), fituesi i trofeut në 1995 për të zbuluar trofeun e madh të Topit të Artë për meshkuj 2024.
Nga goja e ish goleadorit doli emri i mesfushorit të Spanjës dhe Sitit, Rodri.
“France Football” dorëzoi sot trofeun e “Topit të Artë”, për herë të parë në bashkëpunim me UEFA-n, në ceremoninë që u zhvillua në Paris.
Mesfushori spanjoll Rodri për herë të parë fitues. Ai mundi Vinicius i dyti dhe Belingam i treti. Mesfushori i Sitit u eliminua në çerekfinalet e Champions League nga Real Madrid, por fitoi Superkupën e Europës, Premier Ligën dhe Kampionatin Europian me Spanjën si protagoniste absolute.
Në 2023-2024 ai luajti 50 ndeshje për anglezët, duke shënuar 9 gola, duke përfshirë 8 në ligë dhe një në Champions League. Me kombëtaren, ai luajti 13 ndeshje për një vit përfshirë të gjitha aktivitetet e Spanjës duke shënuar 3 gola.
The first words of our 2024 Ballon d’Or, Rodri! #ballondor pic.twitter.com/HbcPorxTlp
— Ballon d’Or (@ballondor) October 28, 2024
