Shuarja e Neskens: Kuman: jam i shokuar, ishte idhulli im
Ndarë nga jeta sot në moshën 73 vjeçare, Johan Neskens mes të tjerave do të mbahet mend gjatë për penalltinë e ekzekutuar në start të finales së Kupës së Botës më 1974 (Holandë- Gjermani Perendimore) në mes të portës.
“Me pikëllim të madh KNVB mësoi për vdekjen e papritur të Johan Neeskens. Johan ishte një nga më të mëdhenjtë tanë. Do të na mungojë jashtëzakonisht.”
Kështu Federata Holandeze e Futbollit njoftoi ndajen nga jeta e ikonës së ‘futbollit total’ Johan Neskens në moshën 73-vjeçare. Në dy ndeshjet Ligës së Kombëve, Federata holandeze pritet të mbajë një protokoll enkas lidhur me shuarjen e ikonës së Holandës në futboll.
Ndërkohë edhe trajneri i kombëtares Ronald Kuman foli për humbjen e Neskens: “Jam i shokuar. I tronditur nga një lajm i keq ardhur nga mediat. Johan ka punuar për KNVB. Kur isha fëmijë ai ishte idhulli im i madh. Që i vogël, në rrugë, unë kam luajtur kundër tij dhe kam marrë leksione trajnimi nga ai. Për momentin që nuk di asgjë tjetër, përveç se ka qenë në Algjeri”, komenton ai.