Sedorf: Reali skuadra për tu mundur, Inter, Milan e Juve e kanë detyrim kualifikimin

Ai ka luajtur me Ajaks, Sampdoria, Inter, Milan, Real Madrid për të mbyllur karruierën me Botafoga në 2014. Holandezi 48 vjeçar Klarenc Sedorf i bën një rezyme skuadrave italiane në aventurën e re të Ligës së Kampioneve.

I intervistuar nga La Gazzetta dello Sport, ish-mesfushori dhe trajneri i Milanit, shprehet:

“Historia na tregon se skuadra për të mundur është Real Madrid, por shumë ekipe mund të konkurrojnë. Diferenca është ngushtuar dhe nuk ka ndeshje të lehta. Kjo është bukuria e saj.”

Për pesë italianët e përfshirë në kompeticion, ai deklaroi: “Inter, Milan dhe Juventus kanë detyrën dhe skuadrat duhet të marrin kualifikimin direkt në fazën e dytë. Atalanta do të ketë ndeshje të vështira, por mund të synojë lart. Bolonja do të jetë në gjendje për ta çmuar këtë përvojë dhe për ta shijuar atë.”