Flamurtari tri pikë në Kukës, verilindorët te zona e rrezikut

Nga Sporti Im 1 javë më parë

Kategoria e Parë, Java 4:
Kukësi – Flamurtari 1-2 (Beshiraj 39′ pen/ Oshafi 24′, Diavara 48′)

Kukësi – Flamurtari ishte sfida përmbyllëse e javës së katërt të Kategorisë së Parë. Një duel mjaft interesant mes dy ekipeve me emër në Superiore, por që përballen një shkallë më poshtë.

Kukësi pëson humbjen e tretë radhazi duke u mposhtur në shtëpi nga vlonjatët në shifrat 1-2. Oshafi shënoi i pari në minutën e 24′-të ndërsa Beshiraj barazoi pa u mbyllur fraksioni i parë i sfidës me anë të një 11-metërshi.

Me nisjen e pjesës së dytë, Diavara mendoi t’u jepte avantazhin përfundimtar kuqezinjve që administrojnë si duhet deri në vërshëllimën e fundit fitoren në transfertën verilindore.

Sa i përket pozitave të dy skuadrave në renditje, Flamurtari ngjitet i dyti me 9 pikë, ndërsa Kukësi mbetet i parafundit me vetëm 3 pikët e rrëmbyera ndaj vendit të fundit, Erzenit.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!