‘Paris 2024’, Gega ‘flamurmbajtësja kuqezi’

Nga Sporti Im 6 ditë më parë

Në vigjilje të eventit të madh të Parisit, sportistët shqiptarë takohen nga autoritetet shtetërore të vendit. Manastirilu i dorëzon kampionës Luiza Gega flamurin e përfaqësimit.

Luiza Gega, Zelimkan Abakarov, Islam Dudaev, Sherman Valiev, Franko Burraj, Kaltra Meça, Greis Koxhaku dhe Manjola Konini janë përfaqësuesit e Shqipërisë në Lojërat Olimpike “Paris 2024”.

Lojërat Olimpike Paris 2024 nisin më 26 korrik dhe do të mbyllën më 11 gusht 2024

Luiza Gega do të jetë flamurmbajtësja e Shqipërisë në ceremoninë e hapjes së Lojërave Olimpike “Paris 2024”. Ishte ministrja e Arsimit dhe Sportit, Ogerta Manastirliu, e cila i ka dorëzuar kampiones së vrapimit Luiza Gega flamurin teksa më pas ka uruar sportistët në aktivitetin e madh të Parisit.

“Presim që të jepni më të mirën dhe të sillni rezultate sa më të mira duke filluar nga garat e atletikës. Ndaj i uroj Luiza Gegës, kampiones sonë dhe kapitenes së ekipit tonë shqiptar në Lojërat Olimpike. I uroj suksese Frankos. Suksese sportistëve në tapet Abakarov, Dudaev dhe Valiev. Manjolës në qitje dhe Greisit e Kaltrës në not”, theksoi Manastirliu.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!