Rinis La Liga, Uest Hem dhe Milan ‘Junior’ në Kupë, ndeshjet…
![](https://sportiim.al/wp-content/uploads/2022/12/arsenal-uest-hem-22-1024x684.jpg)
Premier League do të mbyllë xhirot e sfidave që shoqëruan fundvitin dhe startin e 2024-ës. Uest Hem- Brajton, këtë mbrëmje në Londër, për një tjetër ‘show’ futbolli. Më pas ca ditë pushim për t’u rikthyer në normalitet më 13 janar atherë kur dhe luhet java e 21 e Premier League.
Ndërkohë rinis edhe La Liga në Spanjë. Në orën 17:00, derbi i ‘vogël’ i Madridit sheh në fushë duelin Getafe- Rajo Vajekano. Më tej dy takimet e tjera të javës së 19-të ndërsa në program një tjetër derbi i zonës baske me Real Sociedad- Alaves (19:15) për të mbyllur çifti Valencia- Vijareal parashikuar sot në orën 21:30.
Sakaq, në Itali ka një duel Kupe për 1/4 e saj. Ai i përket duelit Milan- Kaljari dhe zhvillohet në orën 20:45 në ‘San Siro’ (fituesi përballet me fituesin Atalanta/Sasuolo).
Medait italiane raportojnë se Pioli do të hedhë në fushë gjithë të rinjtë…Pas debutimeve të Kamardas, Simiç dhe Zerolit, do të jetë radha e Himenez dhe Chaka Traore, dy produkte të tjera të Primavera-s./Sportiim.al/