FIFA zbut situatën me Rusinë, U17 rikthehet në kualifikuese
FIFA ka hequr pezullimin për ekipet ruse U17, pas vendimit të marrë nga UEFA dhe duke u hapur rrugën atyre për t’u kualifikuar në Kupën e Botës.
UEFA rivendosi ekipet ruse të të rinjve në garat e saj javën e kaluar, por jo për ekipet e të rriturëve për shkak të luftës së vazhdueshme në Ukrainë.
Megjithatë, flamuri, himni dhe uniforma ruse nuk do të lejohen. Rusia u ndalua nga të gjitha turnetë ndërkombëtare të futbollit pasi pushtoi ushtarakisht Ukrainën në shkurt 2022.
Ndërkaq U17 rus nuk do të marrë pjesë në Kupën e Botës të muajit të ardhshëm parashikuar për t’u zhvilluar në Indonezi pasi u ndalua për të qenë pjesë në kualifikimet paraprake.
“Këshilli i FIFA-s përsëriti dënimin e tij për luftën e paligjshme të Rusisë në Ukrainë dhe konfirmoi se kushtet e mbetura të vendimit të marrë më 28 shkurt 2022 mbeten në fuqi deri në fund të konfliktit”, tha organi qeverisës i futbollit botëror.
Ndërkohë në përgjigje të vendimit të UEFA-s, Federata e futbollit ukrainas tha se do të bojkotonte të gjitha garat ku do të marrin pjesë skuadrat ruse, ndërsa Polonia do të refuzojë të luante kundër tyre.