Prefekti napoletan i Udines kërkon spostimin e orarit Udineze-Napoli
![](https://sportiim.al/wp-content/uploads/2023/04/20230430_163201-1024x683.jpg)
Napoli ishte përgatitur për festën e titullit dje por një gol i Dia në të 84-ën shtyu pritjen e skuadrës së Spaletit në duelin Napoli- Salernitana të mbyllur 1-1 të dielën.
Topi i cili në kohë reale i jepte titullin e tretë në histori, fill pas avantazhit të Oliverës në të 62′, u arkivua si një relikë historie por më pas barazimi në ekstrem ‘shfryu’ tifozët brenda dhe jashtë stadiumit “Maradona”.
Kështu, titulli shtyhet për në takimin e ardhshëm në Udine me Udinezen. Sfida e planifikuar fillimisht për nesër në ‘Dacia Arena’ midis Udinezes dhe Napolit,e spostuar për të enjten në orën 20:45, mund të pësojë një variacion të ri.
Sipas mediave italiane, Prefekti i Udines, Masimo Markezielo, lindur në Napoli ndër të tjera tha dje se do të kërkojë mundësinë për ta afruar ndeshjen përpara në orën 18 ose 18:30 (hipoteza e orës 15 është më e vështirë) për arsye të rendit publik.
Me Napolin i cili mund të fitojë titullin matematikisht në këtë transfertë afrohet edhe mundësia e një ekrani gjigand në “Maradona” për transmetimin e ndeshjes, me një festë të mundshme me skuadrën e kthyer nga Udine./Sportiim.al/