Kampionet Olimpike Krasniqi e Gjakova, kthehen në Kosovë
Distria Krasniqi dhe Nora Gjakova pak çaste më parë kanë zbritur në aeroportin “Adem Jashari” të Prishtinës.
Dy kampionet Olimpike në Xhudo gjatë Lojrave Olimpike në ‘Tokio 2020’ u pritën nga kreu i qeverisë Albin Kurti dhe shumë personalitete të jetës publike në Kosovë.
Sipas mediave në Prishtinë, dy kampionet Olimpike do të vazhdojnë drejt sheshit “Nëna Terezë” në Prishtinë, ku do të priten nga qytetarët e vendit, për nder të medaljeve të Arta të fituara në Lojërat Olimpike “Tokio 2020”.
