Laçi krenaria e Superiores në të vajtjes, Teuta për turp

Laçi vijon të dhurojë ndeshje dinjitoze në Europë. Kurbiansit e Shpëtim Duros ia dolën të fitojnë 1-0 ndaj Universitatea Krajovë në një duel të luajtur pasditen e sotme në ‘Elbasan Arena’. Ndonëse kurndërshtari ishte plot cilësi, bardhezintë ditën të godasin në ‘shënjë’.

Madje në rastin e golit të minutës së 35-të nga Zarubica, i pari me fanellën e Laçit, aksioni ishte i nivelit shumë të lartë. Aksion i nisur nga Guindo, i sherbyer Mazrekaj që e rikthen dhe lojtari nga Mali pason te Lushkja brenda zone. Prekja e kavajasit për te shtylla e dytë e mënjëhershme me malazezin Dejan Zarubica që e depoziton në rrjetë. Laçi e nis të kthimit pas një jave 1-0…

Vllaznia bie në minutat shtesë të pjesës së parë në Limasol.
Scepoviç në të 47-ën ia doli të kalojë përpara qipriotët që këmbëngulën ndjeshëm edhe në fraksionin e dytë.

Shifrat nuk ndryshuan ndërsa e kthimit në ‘Loro Boriçi’ pritet të jetë e ndezur. Në këtë transfertë delikate një pjesë e mirë e futbollistëve dhe stafit kuqeblu, patën probleme me ushqimin. Sporti im.al e raportoi që herët.

Teuta:

Skuadra e Edi Martinit është shpërfytyruar ndaj andorrianëve duke vendosur në pikëpyetje të madhe cilësitë e skuadrës aktuale. Pa folur këtu për biletën kualifikuese. Në Durrës, Teuta zhgënjen totalisht duke humbur të vajtjes 0-2 me Inter D’Eskaldes.

Partizani nuk arrin të lërë gjurmë në Bazel. Zviceranët shënuan fillimisht me Stocker në pjesën e parë ndërsa në të dytën gjejnë golin me Artur në minutën e 52-të. Stoker shënoi edhe golin e tretë 10 minuta nga fundi për 3-0 final.

Shifrat teknikë në Conference League të skuadrave të Superiores.

Laçi– Universitatea Krajovë 1-0 (‘Elbasan Arena’)

Teuta– Inter D’Eskaldes 0-2

AEL Limasol- Vllaznia 1-0

Bazel- Partizani 3-0