Superiore/ Kush di të luajë të 32-ën?
Java e 32 e Kategorisë Superiore do të luajë sot të gjitha ndeshjet e mbetura.Në dy orare të ndyshme. Pas fitores së djeshme të Kukësit ndaj Vllaznisë 3-1, 4 çiftet e tjera në 16:00 dhe në 19:00.
Tirana në shtëpi me krutanët e Ndreut që befas e shohin vetën të rrezikuar. Bardheblutë edhe pse me disa mungesa (Çelhaka, dhe i dëmtuari Kale por dhe Giamfi), luajnë shansin ideal për t’ju afruar me një pikë Vllaznisë. Por dhe Laçit nëse Apolonia ka ruajtur ndonjë surprizë të radhës për kurbinasit.
Ekipi i Shpëtim Duros vuan mungesën e Shehut, por organika e bardhezinjëve, megjithë firot e fundit, siguron qetësi.
Në 19:00 dy duele klasike. Në Korçë, ‘Ujqërit’ presin Partizanin e vendit të parë. Skuadra e Ilir Dajës pa Bardhin e Malën. Memelli ka deklaruar se një rezultat pozitiv e afron me shpëtimin sezonal. Nuk ka në dispozicion Sadriun dhe Dumfur.
Në Durrës, Teuta për të fituar terren për kreun. Do presë në ‘Niko Dovana’ Bylisin e Ballshit (mungon Ntepe) me mallakastriotët që prej javësh endën në fund. Për trajnerin Edi Martini, Teuta (sot pa Arapin) është skuadra më e fortë. Llogaritë në fund.
Java e 32:
16:00
Tirana-Kastrioti
Apolonia-Laçi
19:00
Teuta-Bylis
Skënderbeu-Partizani
Kukësi-Vllaznia 3-1 (luajtur dje në Elbasan)